Saturday, June 1, 2013

ORDINANSANG BULOK, HINDI DAPAT PUMATOK!


Ano ba talaga ang basehan ng pagpapatupad ng isang ordinansa sa isang lugar? Ito ba talaga ay kailangan? Sino ba ang makikinabang ng ordinansang ito? May pakinabang nga ba ito sa nakakarami o iilan lamang? Ito ang mga tanong ng  maraming  turista, negosyante at common tao  sa Puerto Galera na tinaguriang mala DALAMPASIGANG PARAISO o  Heart of Asia ng Pilipinas?

Kilala ang bayan ito sa buong Pilipinas, dinarayo ito ng mga tao mula sa ibat ibang panig ng bansa, mga artista at samo’t saring  turista buhat sa bansang nakapaikot sa globa. Bakit nga ba sila pumupunta dito? 

Larawan ng front beach ng White Beach,
Brgy. San Isidro, Puerto Galera, Or. Mindoro
May kanya kanya sila mga dahilan ang iba nagpupunta para kumita, dahil hindi lamang turismo ang hinahandog ng Puerto Galera pati na din ang pang  ekonomiya. Makikita na ang mga establishments  katulad ng   Candava Supermarket, New Virgo Grocery, Parkway Supermarket, Castillo Store ang mga popular na supermarkets sa Puerto Galera. Mayroon na din mga pangunahing bangko kabilang na dito ang Allied Bank, Rural Bank of Puerto Galera, Maxbank, at iba pang mga microfinance bank.

Larawan ng mga Restobar and Grill sa may bahagi ng White
Beach, Brgy. san Isidro, Puerto Galera, Or. Mindoro

Madami din ditong mga negosyante ang pumasok upang magtayo ng mga restobar and grills sa tabing baybayin ng dagat. Hindi maipagkakaila na malaking tulong ito sa LGU o Local Government Unit ng naturang bayan, sapagkat nadadagdagan ang tax collection ng Lokal na Pamahalaan. Ito din ay bentahe sa mga mamamayan sa lugar, sapagkat nabibigyan ang mga ito ng trabaho ng mga pumapasok na mga investors sa Puerto Galera.  

Larawan ng  tabing dagat ng White Beach,
Brgy, San Isidro, Puerto Galera, Or. Mindoro



Kung hindi na nga maawat ang pagtaas ng antas ng turismo at ekonomiya sa bayan ito, bakit kailangan pang awatin  ng isang ordinasang hindi naaangkop at nakakasira ng promosyon ng Puerto Galera  sa bilang tourist destination.

Isang ordinansang sinusugan ang Kautusan Blg. 02-06, na may titulo (“KAUTUSAN NA NAGBABAWAL NA GAMITIN ANG BAHAGI NG WHITE BEACH NA LAGYAN NG ESTRAKTURA AT LAMESA NG MGA RESTAURANT, MGA BAR, RESORT AT COTTAGES BILANG KAINAN MGA CUSTOMERS AT MAGTATATOO”) NG BRGY. SAN ISIDRO, PUERTO GALERA, SILANGANG MINDORO., Dito nakasaad na “marami na rin ang naging pagbabago sa pang-ekonomiyang pamumuhay ng mga residente lalo na ang pagnenesgosyo sa baybayin ng White Beach”.

Larawan ng mga lamesa sa White Beach, makikita dito na
maayos nga ngunit kulang, sa mas dumadaming bilang ng
mga turistang pumupunta sa Puerto Galera.
Nakalagay din sa mga regulasyon ng ordinansang ito ay ang “isang hanay lamang ng mga lamesa na may sukat na hindi lalagpas sa 240 sentimetro o 96 pulgada o 8 talampakan pahaba at luwang na hindi lalagpas sa 180 sentimetro o 72 pulgada o 6 talampakan.”

Sa mga nabanggit ng ordinansang ito makikitang mayroon pagkakamali ang may akda o gumawa at mga nagpatupad ng ordinansang ito. Ayon sa nakasaad dito na, “marami na rin ang naging pagbabago sa pang-ekonomiyang pamumuhay ng mga residente lalo na ang pagnenesgosyo sa baybayin ng White Beach”. Alam na pala ninyong malaki ang pababago sa pangkabuhayan ng mga tao sa lugar, bakit ninyo ipinagbabawal ang mga paglalagay ng mga estraktura at lamesa sa mga harapan ng mga may - ari ng mga naturang establishments?

Larawan ng mga dumadaming bilang ng mga turistang
nagtutungo sa White Beach, Brgy,. San Isidro,
Puerto Galera, Oriental Mindoro
Paano kung madaming  turistang gustong kumain sa restaurant ano yoon  naka tayo silang kumain? Ano ba ang balak ninyong gawin sa mga negosyante na may-ari ng mga restaurant, patayin ang mga negosyo nila? Naisip ba ninyo kung ano ang magiging  epekto nito sa pang – kahalatan, una na dito ay ang kawalan ng mga trabaho o hanapbuhay ng mga residente at sa mga mamamayan ng Puerto Galera. Pag nawalan ng trabaho,ibig sabihin wala silang maipapakain sa kanilang mga pamilya. Kaya ba ninyong tugunan ang kanilang mga pangangailangan?

Sa parte naman ng mga turista, ang hanap ng mga ito ay makakita sila ng mga kakaibang tanawin, ibat ibang mapagkakalibangan at magkaroon ng karanas sa ibang lugar. “Kung ang pagkain at paginom na mga nakatayo, ay ibang karanasaan nga ito”. Na tiyak naman masasabi nila sa kanilang mga kaibigan at kamag-anak na ang pangit pala ng sistema ng mga restaurant sa White Beach. Nais ba natin mawalan tayo ng mga turista dahil lamang sa bulok ninyong ordinansa?

Nagtatanong lamang ang pitak na ito sa pamunuan ng Lokal na Pamahalaan ng Puerto Galera at Department of Tourism kung sa tingin ba ninyo tama ang ordinansang ito? Naaangkop ba ito sa panahon bumubulusok na ang turismo ng Puerto Galera at nakakasabay na ito sa mga ibang tourist spots sa bansa?









No comments:

Post a Comment