Ni: Thess Q. Angeles
Pola – Isang makasaysayan
seremoniya na isinagawa sa bayan ng Pola sa Parokya Ni San Juan Bautista, Pola,
Silangang Mindoro nito lamang ika 30 ng Hunyo, dahil dito dinaos ang panunumpa
ni Mayor Leandro P. Panganiban Jr. para sa ikalawa nitong termino bilang alkalde
ng naturang bayan.
Hindi mahulugang karayom ang mga dumalo sa espesyal na okasyon ito. Dahil tagumpay ito hindi lamang para sa mga kaanak at kaibigan ni Panganiban kundi sa buong mamamayanan ng Pola.
Nanumpa din dito ang mga na halal
at mga bagong halal na mga konsehales ng bayan ng Pola, naroroon din ang outgoing Vice Mayor na si Raul A.
Pagcaliwagan upang magbigay ng kanyang pasasalamat sa taumbayan, bago nito lisanin ang puwesto niya bilang
ikalawang punong ama ng nasabing lugar.
Umikot ang talumpati ni
Pagcaliwagan sa tatlong bahagi, ito ay ang pag-bati, pag-papasalamat at
pag-habilin. Ayon dito, bagamat siya ay hindi pinalad noong nakaraang eleksyon,
ang kanya, aniyang tahanan ay mananatiling bukas para sa lahat ng mga
nangangailangan nang kanyang tulong, lalo’t higit sa mga taumbayan ng Pola.
Buong paghanga naman ang ibinigay
ng taumbayan kay Panganiban sa bawat katagang binibitawan nito sa kanyang
talumpati. Binaybay ang mga bagay na dapat at hindi dapat mayroon sa ilalim ng
kanyang administrasyon, isang na dito ang istilo ng sapawan ng mga namiminuno
sa bawat departamento nang munisipyo, maging sa mga konsehales at iwasan ang mga usaping hindi makakatulong sa pag-unlad ng bayan.
Anito,
kung mayroon man hindi pagkakaunawaan ang bawat isa ay pag usapan agad upang
hindi na ito humaba pa.
Sinabi din ng alkalde na “walang
sino man po ang may-ari ng munisipyo, lahat po tayo ay may karapatan dito dahil sa atin pong lahat ito", diin pa ni Panganiban.
No comments:
Post a Comment